अमेरिकी सहायता सम्झौता मिलेनियम च्यालेन्ज कर्पोरेशन (एमसीसी) विरुद्ध नेपालमा भइरहेको प्रदर्शनप्रति नेपालका लागी अमेरिकी राजदुतले सामाजिक संजाल मार्फत असन्तुष्टि व्यक्त गरेका छन् ।
नेपालका लागि अमेरिकी राजदूत र्यान्डी डब्लु बेरीले विरोधका नाममा हुने हिंसालाई अमेरिकाले स्वीकार नगर्ने भन्दै चेतावनी दिएका छन् ।
“हामी अभिव्यक्ति स्वतन्त्रता र तथ्यमा आधारित खुला बहसको बलियो समर्थक हौं, एमसीसी को बिषयमा पनि हाम्रो धारणा त्यही हो। आफ्नो विचार व्यक्त गर्न पाउनु लोकतन्त्रको अन्तरनिहित विषयवस्तु हो र सबैलाई आफ्नो धारणा शान्तिपूर्वक राख्न छुट हुनुपर्छ। तर हिंसा या हिंसा भड्काउने किसिमका विचारहरू स्वीकार्य हुँदैनन्,” उनले शुक्रबार सामाजिक सञ्जाल ट्वीटरमा ट्वीट गरेका छन्।
एमसीसी संसदबाट अनुमोदन गराउन अमेरिकाले नेपाललाई फेब्रुअरी २८ सम्मको समय दिएको छ ।
