काठमाडौँ महानगरपालिकाको पछिल्लो मत परिणाम अनुसार स्वतन्त्र उम्मेदवार बालेन शाहले दोब्बर मतका साथ अग्रता लिएका छन्।
काठमाडौं महानगरमा ५:५५ बजेसम्मको मतपरिणाम अनुसार बालेनले ३,५३२ मतका साथ अग्रता कायम गरिरहेका छन्। त्यस्तै उनका निकटतम प्रतिद्वन्द्वी नेकपा एमालेका उम्मेदवार केशव स्थापितले १,८५६ मत ल्याएर पछ्याइरहेका छन्।
यसैगरी, गठबन्धनका तर्फ बाट नेपाली कांग्रेसकी उम्मेदवार सिर्जना सिंहले अहिलेसम्म १,६६८ मतका साथ तेस्रो स्थानमा रहेकी छन्।
यो पनि पढनुहोस। बालेनले चुनाव जित्नेमा युवाहरू ढुक्क
बालेनले काठमाडौं महानगरमा शुरूदेखि नै अग्रता लिए संगै उनका समर्थकहरु यतिबेला मत गणना स्थलमा जम्मा भएका छन्। काठमाडौँ महानगरपालिकाको मत गणना ढिलो भएको भन्दै उनीहरुले नाराबाजी गर्दै बिरोध गरेका छन्।
