गोल्डेन ग्लोब अवार्डको ८०औँ संस्करण अमेरिकाको क्यालिफोर्नियास्थित बेभर्ली हिल्सस्थित बेभर्ली हिल्टनमा मंगलबार साझा सम्पन्न भयो। भारतीय फिल्म आरआरआरले गोल्डेन ग्लोब अवार्ड २०२३ मा आफ्नो इतिहास रच्न सफल भएको छ ।
फिल्मको चर्चित गीत ‘नाटु नाटु’ ले उत्कृष्ट गीतको लागि गोल्डेन ग्लोब अवार्ड जितेको छ । संगीतकार एमएम कीरावानीले अवार्ड ग्रहण गरेका थिए।
एसएस राजामौली निर्देशित आरआरआर फिल्मले उत्कृष्ट गैर-अंग्रेजी चलचित्रको विधामा अर्जेन्टिनाको ‘अर्जेन्टिना १९८५ ‘ संग पराजित भयो। तर आरआरआर उत्कृष्ट मौलिक गीतको विधामा ग्लोब अवार्ड जित्न सफल भयो। यस फिल्मको गीत ‘नाटु नाटु ‘ ले रिहाना र लेडी गागालाई उछिनेको थियो।
गीत ‘नाटु नाटु ‘ को डान्स युक्रेनमा छायांकन गरिएको हो जुन यतिबेला युद्धमा होमिएको छ। ‘नातु नातु’ २०२१ मा युक्रेनको राजधानी कीभमा छायांकन गरिएको थियो । गीतको पृष्ठभूमिमा देखाइएको भवन युक्रेनका राष्ट्रपति भोलोडिमिर जेलेन्स्कीको आधिकारिक निवास मारिन्स्की प्यालेस हो।
युक्रेनमा छायांकन गरिएको ‘नाटु नाटु ‘ को डान्स हेर्नुहोस:
