आईसीसी पुरुष एकदिवसीय विश्वकप २०२३ को अन्तिम लिग खेलमा भारतले नेदरल्यान्ड्सलाई नोभेम्बर १२, आइतबार १६० रनले पराजित गरेको छ। यो जितसंगै रोहित शर्माको नेतृत्वमा रहेको भारतिय टोलीले लगातार ९ खेल जित्दै लिग चरणमा अपराजित रह्यो ।
सेमिफाइनलकालागि भारतले नोभेम्बर १५ मा मुम्बईको वानखेडे स्टेडियममा न्यूजिल्याण्डको सामना गर्नेछ ।
बैंगलोरको एम चिन्नास्वामी स्टेडियममा भारतले टस जितेर पहिले ब्याटिङ गर्ने निर्णय गरेको थियो । भारतले श्रेयस अय्यर (अनटआउट १२८) र केएल राहुल (१०२ रन) को शतक र चौथो विकेटका लागि २०८ रनको साझेदारीमा चार विकेटमा ४१० रनको विशाल स्कोर बनाएको थियो। यी दुई बाहेक कप्तान रोहित शर्मा (६१ रन), शुभमन गिल (५१ रन) र विराट कोहली (५१ रन)ले अर्धशतकीय पारी खेलेका थिए।
नेदरल्याण्ड्सको टोली ४७।५ ओभरमा २५० रनमा अलआउट भएको थियो। तेजा निदामानुरुले सर्वाधिक ५४ रन बनाए । यसबाहेक साइब्रान्ड एंगेलब्रेचले ४५ रन बनाए । कोलिन एकरम्यानले ३५ रन बनाए ।
भारतका लागि जसप्रित बुमराह, मोहम्मद सिराज, कुलदीप यादव र रविन्द्र जडेजाले २–२ विकेट लिएका थिए भने विराट कोहली र रोहित शर्माले १–१ विकेट लिएका थिए । कोहली र रोहितका अलावा शुभमन गिल र सूर्यकुमार यादवले पनि बलिङ गरेका थिए ।
सत्य, तथ्य र स्वतन्त्र सामूदायिक डिजिटल मिडिया
