संघीय न्यायाधीशले बिहीबार संघीय कर्मचारी व्यवस्थापन कार्यालय (OPM) लाई विभिन्न सरकारी एजेन्सीहरूमा परीक्षण अवधिमा रहेका कर्मचारीहरूको सामूहिक बर्खास्ती सुरु गर्ने निर्देशनहरू रद्द गर्न आदेश दिएका छन्। न्यायाधीश विलियम अल्सपले यी बर्खास्तीहरू सम्भवतः गैरकानूनी भएको ठहर गर्दै, OPM लाई आफ्नो निर्देशनहरू फिर्ता लिन र अन्य एजेन्सीहरूलाई यस्तो आदेश जारी गर्ने अधिकार नभएको जानकारी दिन आदेश दिएका छन। यस निर्णयले रक्षा विभाग, राष्ट्रिय निकुञ्ज सेवा, भूमिव्यवस्थापन ब्यूरो, राष्ट्रिय विज्ञान फाउन्डेशन लगायतका एजेन्सीहरूमा प्रभाव पार्नेछ।
यसअघि, OPM का कार्यवाहक निर्देशक चार्ल्स इजेलले यी बर्खास्तीहरूलाई अघि बढाउने निर्देशनहरू जारी गरेका थिए, जसलाई न्यायाधीश अल्सपले OPM लाई यस्तो आदेश जारी गर्ने अधिकार नभएको भन्दै अस्वीकार गरेका छन। यी बर्खास्तीहरू परीक्षण अवधिमा रहेका कर्मचारीहरूलाई लक्षित गरिएको थियो, जसमा पहिलो र दोस्रो वर्षका कर्मचारीहरू समावेश थिए, र उनीहरूलाई कमजोर प्रदर्शनको आधारमा बर्खास्त गरिएको बताइएको थियो।
यस निर्णयले राष्ट्रपति डोनाल्ड ट्रम्पको संघीय कार्यबललाई घटाउने प्रयासमा ठूलो अवरोध पुर्याएको छ। संघीय कर्मचारीहरू र श्रमिक संघहरूले यस कदमको विरोध गर्दै आएका थिए, र न्यायालयको यो आदेशले उनीहरूको पक्षमा अस्थायी राहत प्रदान गरेको छ।
सत्य, तथ्य र स्वतन्त्र सामूदायिक डिजिटल मिडिया
