भारतमा जारी विश्वकप क्रिकेट २०२३ मा आज भएको खेलमा श्रीलंकाले इंग्ल्याण्डलाई ८ विकेटले पराजित गरेको छ । १५७ रनको लक्ष्य पछ्याएको श्रीलंकाको टोलीले २५.४ ओभरमा उत्कृष्ट प्रदर्शन गर्दै जित निकालेको थियो ।
श्रीलंकाको तर्फबाट तेस्रो विकेटका लागि पाथुम निसान्काले अविजित ७७ र सदिरा समराविक्रमाले अविजित ६५ रनको अविजित १४३ रनको साझेदारी गरेका थिए ।
अर्कोतर्फ आजको खेलमा इंग्ल्याण्डको ब्याटिङमा निराशाजनक दिन रह्यो र ३३.२ ओभरमा १५६ रनमा अलआउट भयो। ५० बलमा ४७ रन बनाएर केही आशा जगाउने एकमात्र ब्याट्सम्यान डेभिड विली थिए। बाँकी सबै शीर्ष क्रमका खेलाडीहरुले उल्लेखनिय रन जोडन सकेनन। वानिन्दु हसरंगाले २७ रनमा ४ विकेट र अकिला दानन्जयाले २८ रनमा ३ विकेट लिए।
पाँच खेलमा इङ्ल्यान्डको यो चौथो हार हो र अब मात्र दुई अंक जोडेर अंक तालिकाको पुछारमा पुगेको छ।
यसैबीच श्रीलंका चार अंकसहित पाँचौं स्थानमा उक्लिएको छ र सेमिफाइनलमा पुग्ने आफ्नो आशा जीवित राखेको छ ।
सत्य, तथ्य र स्वतन्त्र सामूदायिक डिजिटल मिडिया
