इजरायली प्रधानमन्त्री बेन्जामिन नेतान्याहुले मङ्गलबार टेलिभिजनमार्फत सम्बोधन गर्दै हिजबुल्लाहसँग युद्धविराम सम्झौता भएको घोषणा गरेका छन्। यो सम्झौता एक वर्षदेखि जारी रहेको द्वन्द्व अन्त्य गर्ने उद्देश्यले गरिएको हो, जसले ठूलो संख्यामा जनधनको क्षति र व्यापक विनाश निम्त्याएको थियो।
संयुक्त राज्य अमेरिकाको पहलमा सम्पन्न भएको यो सम्झौता आज इजरायली क्याबिनेटमा अनुमोदनका लागि पेश गरिनेछ। सम्झौताको मुख्य बुँदाहरूमा तत्काल प्रभाव क्षेत्रबाट पूर्ण युद्धविराम लागू हुने र आगामी ६० दिनभित्र इजरायली सेना दक्षिण लेबनानबाट क्रमिक रूपमा फिर्ता हुने उल्लेख गरिएको छ। यसको बदलामा हिजबुल्लाहले आफ्नो सेना र भारी हतियारहरू इजरायलको सिमाना भन्दा करिब २० माइल टाढा फिर्ता लैजान सहमति जनाएको छ।
नेतान्याहुले यो युद्धविरामले क्षेत्रीय स्थायित्व र लेबनानको गृहयुद्धपछिको सबैभन्दा घातक द्वन्द्व अन्त्य गर्ने महत्त्वपूर्ण भूमिका खेल्ने बताएका छन्। उनले भने, “यो सम्झौता दुवै राष्ट्रका लागि शान्ति र सुरक्षातर्फको महत्वपूर्ण कदम हो।”
अन्तर्राष्ट्रिय समुदायले यो घोषणालाई स्वागत गर्दै यसले क्षेत्रीय स्थायित्व र दिर्घकालीन शान्तिको मार्ग प्रशस्त गर्ने आशा व्यक्त गरेको छ।
थप विवरण र विश्लेषणका लागि हामीसँग जोडिनुहोस्।
नेतान्याहुको ट्विट हेर्न यहाँ क्लिक गर्नुहोस्।
सत्य, तथ्य र स्वतन्त्र सामूदायिक डिजिटल मिडिया
