इलाम — देउमाई नगरपालिका–१ चमैतामा सोमबार (कात्तिक ९) बिहान बोलेरो जिप दुर्घटना हुँदा चालकको घटनास्थलमै मृत्यु भएको छ। गोरखापत्र अनलाइनका अनुसार मृत्यु हुने चालक देउमाई–१ का २१ वर्षीय विपिन दियाली हुन्।
यात्रु लिन गाउँतर्फ जाँदै गरेको मे १ ज ३०४० नम्बरको जिप अनियन्त्रित भएर दुर्घटनामा परेको जिल्ला प्रहरी कार्यालय इलामले जनाएको छ।
इलामका प्रहरी नायब उपरीक्षक (डीएसपी) लक्ष्मी भण्डारीका अनुसार जिप सडकमै अनियन्त्रित भएपछि सडकको नालीमा गएर दुर्घटनाग्रस्त भएको हो।
लेखक
सत्य, तथ्य र स्वतन्त्र सामूदायिक डिजिटल मिडिया
