नागढुङ्गा सुरुङमार्ग प्रयोग गर्ने सवारीसाधनबाट कात्तिक १५ गतेदेखि शुल्क उठाइने भएको छ। निर्माण आयोजनाको सार्वजनिक सूचनालाई उद्धृत गर्दै अनलाइनखबरले बिहीबार यो जानकारी दिएको हो।
हलुका सवारीको आउजाउ दर फरक छ। सडक विभागले राखेको नेपाल राजपत्रको सूचनाअनुसार कार, जीप, भ्यान, ट्याक्सी, माइक्रोबस र अन्य हलुका सवारीलाई काठमाडौँ प्रवेश गर्दा ६५ रुपैयाँ लाग्छ। बाहिरिँदा ६० रुपैयाँ तोकिएको छ।
मिनीबस, मिनीटिपर र मिनीट्रकका लागि प्रवेश शुल्क ११५ र बाहिरिने शुल्क ८० रुपैयाँ छ। बस तथा एकल पछाडिको एक्सल भएका ट्रकको दर क्रमशः २६० र २०० रुपैयाँ तोकिएको छ।
धेरै एक्सल भएका ट्रक तथा सवारीसाधन र भारी उपकरणले प्रवेश गर्दा ६०० र बाहिरिँदा २५० रुपैयाँ तिर्नुपर्नेछ। दर निर्धारण भएको राजपत्रको सूचना २०८२ चैत २६ को हो; अहिलेको नयाँ विवरण शुल्क उठाउन सुरु गर्ने मिति हो।
सत्य, तथ्य र स्वतन्त्र सामूदायिक डिजिटल मिडिया
