काठमाडौँ — भारतका विदेश सचिव विक्रम मिस्री यही कात्तिक १८ र १९ गते नेपालको औपचारिक भ्रमणमा आउने भएका छन्। परराष्ट्र मन्त्रालयका अनुसार मिस्री परराष्ट्र सचिव अमृतबहादुर राईको मैत्रीपूर्ण निमन्त्रणामा नेपाल आउन लागेका हुन्।
भ्रमणका क्रममा परराष्ट्र सचिव राईले विदेश सचिव मिस्रीसँग द्विपक्षीय छलफल गर्ने परराष्ट्र मन्त्रालयले जनाएको छ। छलफलमा दुवै पक्षले नेपाल–भारत सम्बन्धका सम्पूर्ण पक्षको समीक्षा गर्नुका साथै आपसी हितका विषयमा विचार आदानप्रदान गर्ने छन्।
भ्रमणबाट दुवै देशबीच लामो समयदेखि रहिआएको घनिष्ठ र मैत्रीपूर्ण सम्बन्धलाई थप सुदृढ बनाउने उद्देश्य रहेको मन्त्रालयले जनाएको छ।
भ्रमणका क्रममा मिस्रीले नेपालका उच्चस्तरीय विशिष्ट व्यक्तित्वहरूसँग शिष्टाचार भेटघाट गर्ने कार्यक्रम पनि रहेको छ। उनी कात्तिक १९ गते काठमाडौँबाट नयाँदिल्ली प्रस्थान गर्ने छन्।
सत्य, तथ्य र स्वतन्त्र सामूदायिक डिजिटल मिडिया
