गुल्मीको कालीगण्डकी गाउँपालिका–२ डबौखानीमा स्कर्पियो सडकबाट करिब २५० मिटर तल खस्दा छ जनाको मृत्यु भएको छ भने तीन जना घाइते भएका छन्।

बङ्गालको खाडीको चक्रवात अर्नाबका कारण बिहीबार रातिदेखि शनिबारसम्म हिमाली क्षेत्रमा भारी वर्षा, हिमपात र हिमपहिरोको जोखिम हुने भन्दै पर्यटकलाई उच्च उचाइका क्षेत्रमा नजान आग्रह गरिएको छ।

नेपाल प्रिमियर लिगको तेस्रो संस्करणको उद्घाटन खेलमा साविक विजेता लुम्बिनी लायन्सले सुदूरपश्चिम रोयल्सलाई सात विकेटले पराजित गरेको छ। ८८ रनको लक्ष्य लुम्बिनीले ९.५ ओभरमा तीन विकेट गुमाएर पूरा गरेको हो।

सर्वोच्च अदालतले राष्ट्रिय परिचयपत्र वा नम्बर नभएकै कारण बैंकिङ सेवा रोक्न नमिल्ने ठहर गरेको छ। नागरिकता तथा अन्य मान्य कागजातबाट सेवा दिन र वैयक्तिक तथा जैविक विवरणको सुरक्षाका लागि छुट्टै डेटा संरक्षण ऐन बनाउने प्रक्रिया अघि बढाउन आदेश दिएको छ।